IGREXA DE SANTA MARÍA DE SOUTOLONGO - SOUTOLONGO - LALÍN

 IGREXA DE SANTA MARÍA

SOUTOGONGO

LALÍN

Soutolongo (Santa María)
     Nesta igrexa atopamos unha moi interesante variedade de estilos arquitectónicos.

     Chama a atención a fachada, na que consta o ano 1798 como data da construción, rematada por un impoñente campanario de mediados do século XIX. 

     Pero podemos observar elementos góticos, moi escasos en Galicia, e incluso románicos.

      No interior, poden apreciarse bóvedas de crucería e arcos conopeos que sitúan a igrexa no gótico tardío.

      As referencias artísticas á Orden de Malta - da que Soutolongo foi Priorato - tanto escultóricas como pictóricas, son constantes.

     Esta igrexa atesoura pinturas murais datadas entre 1567 e 1589.

     Outro elemento excepcional é o sagrario pétreo, descuberto xunto con algunhas das pinturas cando se retirou o retablo barroco para a súa restauración.

     Varios arcosolios con estatuas xacentes do s. XV, completan un conxunto moi rico e variado.

     Preto da igrexa están o Pazo de Des e o Pazo dos Infanzóns, ambos propiedade privada.

MAPA

 

 Fuente: Concello de Lalín

XOAN ARCO DA VELLA

 

 

CAPELA DE SAN XOSÉ DE REDONDO - REDONDO - BARCIA DE MERA - COVELO

 CAPELA DE SAN XOSÉ DE REDONDO

REDONDO

BARCIA DE MERA 

COVELO

Redondo
      Redondo é un lugar da parroquia de Barcia de Mera, no concello pontevedrés de Covelo, na comarca da Paradanta. 

     Segundo o Instituto Galego de Estatística, en 2021 tiña 36 habitantes, dos cales 15 eran homes e 21 eran mulleres.

Barcia de Mera
     San Martiño de Barcia de Mera é unha parroquia que se localiza no oeste do concello de Covelo na comarca da Paradanta. 

     Segundo o IGE en 2014 tiña 360 habitantes (169 homes e 191 mulleres), 157 menos ca en 2004 e 247 menos ca en 1999. É unha das parroquias con máis habitantes do concello.

Información
      O río Alén sepáraa do concello limítrofe de Mondariz.

       O lugar de San Xoán do Mosteiro debe ao seu nome a un antigo mosteiro xa desaparecido, onde probablemente estivo a primitiva igrexa ou capela parroquial até que foi trasladada ao lugar actual. Nese lugar consérvase unha capela construída pola Santa Inquisición e unha ponte medieval ben conservada. 

     Atravesa o lugar un camiño a carón do cal está a Fonte Santa, de augas moi apreciadas que manteñen a mesma temperatura ao longo das estacións.

       Destaca o conxunto abacial de San Martiño de Barcia de Mera, a igrexa e casa reitoral de estilo barroco onde esta última ten influencia de culturas precolombianas. Recentemente realizouse unha rehabilitación parcial da igrexa.

       Na gastronomía son salientábeis os seus viños, igual que a veciña parroquia de Casteláns, que sobresaen polo seu sabor a froita coas características propias do condado.

MAPA

 

XOAN ARCO DA VELLA

 

CRUCEIRO DE SANTA MARIÑA - SANTA CRUZ - SANTA MARIÑA - COVELO

 CRUCEIRO DE SANTA MARIÑA

SANTA CRUZ

SANTA MARIÑA

COVELO

     O cruceiro das ánimas conta cunhas curiosas figuras no seu varal que representan a salvación das mesmas.

     Na parte inferior atópanse as condeadas e sobre as mesmas nunha pequena barca a representación das que conseguen a súa salvación con Xesús cunha túnica recibíndoas.

     Na parte superior atópanse no capitel figuras de anxos e unha caveira sobre a escea da crucifixión de Cristo.

     Tamén un anxo aparece a carón portando o Santo Grial.

     Segundo se pode ver nun gravado no baseamento.

     A orixe do cruceiro podería ser do ano 1829 

MAPA

 

Fuente: Web Patrimonio Galego

XOAN ARCO DA VELLA

IGREXA DE SANTA MARÍA DO VISO - O VISO - REDONDELA

 IGREXA DE SANTA MARÍA DO VISO

O VISO

REDONDELA

 O Viso
      Santa María do Viso é unha parroquia situada ó norte do concello de Redondela. Linda coas parroquias de Cesantes, Ventosela e co Concello de Soutomaior. 

     Está formada por catro núcleos de poboación: Tuimil, A Nogueira, Soutoxuste e Saramagoso. En 2014 tiña 1504 habitantes (735 homes e 769 mulleres).

Xeografía
       Está atravesada polo río Pexegueiro de onde se nutren de auga unha serie de muíños que no seu tempo foron decisivos para a economía da zona. 

      A aldea de Soutoxuste posúe unhas tranquilas calas na beira do mar. Na Nogueira pódense visitar algúns petróglifos. En Tuimil atópase o parque do Loureiro.

Patrimonio
      O Viso está atravesada de sur a norte polo camiño portugués a Santiago de Compostela. Con todo, a parroquia destaca pola atalaia do Monte da Peneda, que preside toda esa zona. 

       No seu cumio está a capela da Virxe das Neves, nos terreos onde en 1477 Alonso II de Fonseca mandou construír o Castelo de Castrizán, conquistado e destruído por Pedro Madruga dous anos despois. 

        Nese lugar, de grandes vistas cara a ría de Vigo e cara ao val do río Verdugo, onde está o Castelo de Soutomaior, tamén hai restos de poboados castrexos.

       O nome do Viso ten unha clara reminiscencia funcional na súa toponimia. Procede da forma visu, dos verbos latinos video e viso (ver, contemplar), e fai referencia a lugares elevados desde onde se poden contemplar amplas panorámicas. O seu nome procede entón da presenza do antes mencionado miradoiro da Peneda. 

MAPA

 

XOAN ARCO DA VELLA

CRUCEIRO DO CEMITERIO - O PIÑEIRO - COVELO

 CRUCEIRO DO CEMITERIO

O PIÑEIRO

COVELO

 O Piñeiro
      San Xoán do Piñeiro é unha parroquia que se localiza no oeste do concello de Covelo na comarca da Paradanta.

      Segundo o padrón municipal de 2004 tiña 136 habitantes (74 mulleres e 62 homes), distribuídos en 18 entidades de poboación, o que supón unha diminución en relación ao ano 1999 cando tiña 166 habitantes.

      Segundo o IGE, no 2014 a súa poboación descendera ata os 96 habitantes, sendo 44 homes e 52 mulleres.

Información
      A parroquia áchase a 9 quilómetros da capital do concello, situada na faldra da Serra do Suído (Espazo natural protexido). 

     Na Guía do Piñeiro, a uns 500 metros de altitude, existe unha capela sobre un castro sen levantar onde un afeccionado atopou unha brosa da Idade de Bronce. Tamén hai cruceiros e unha vía empedrada.

Comarca da Paradanta
     A comarca da Paradanta é unha comarca galega situada na provincia de Pontevedra.

     A ela pertencen os concellos de Arbo, A Cañiza (a súa capital), Covelo e Crecente.

     Limita ao norte coas comarcas de Vigo e do Ribeiro, ao leste con esta última e coa de Terra de Celanova, ao sur con Portugal e ao oeste coa do Condado.

     Ocupa unha extensión de 339,85 quilómetros cadrados e contaba cunha poboación de 12.060 habitantes no ano 2020.

MAPA

 

XOAN ARCO DA VELLA

IGREXA DE SANTA MARÍA - COTAREL - PARAÑOS - COVELO

 IGREXA DE SANTA MARÍA

COTAREL

PARAÑOS

COVELO

 Igrexa de Santa María de Paraños

       Edificación feita en pedra granítica labrada e escuadrada, con planta de cruz latina e cuberta a dúas augas agás na ábsida que é a catro, e pináculos de bola nos extremos.

       Na fachada principal podemos ver unha porta de aceso lintelada e recerdada con moldura plana acodada.

       Por riba dela unha fornela con bóveda de canón coa imaxe da patroa e unha fiestra con derrame interno.

      O conxunto remata cunha espadana de doble van con pináculos de bola nos extremos e cruz pétrea no cume.

     Na cabeceira da ábsida existe un pequeno escudo nobiliario.

Paraños
     Está situada a ámbolos dous lados da Nacional -120 e nela atópase o acceso á autovía Rías Baixas .

     Tamén se atopa o acceso principal por estrada ao resto do municipio.

     Podemos atopar diversas manifestacións do patrimonio artístico e etnográfico: O cruceiro, petos de ánimas , un pombal circular, a igrexa do século XVIII, diversos hórreos realizados integramente en pedra e restos de útiles e lugares usados polos cereiros , son algunhas delas.

      Recentemente foi rehabilitada unha antiga casa de labranza para construír a casa de cultura onde se realizan diversas actividades ao longo do ano e funcionando ademais como axencia de lectura.

     Para a práctica deportiva disponse dun campo de fútbol e unha pista de usos múltiples.

     Os seus barrios e lugares son: Os Condes, Cotarel , Ás Laxas, A Margarida , Ás Medelas , Moeiros , Picoto , Portocortiñas , O Quinteiro , O Roupeiro .

Comarca da Paradanta
     A comarca da Paradanta é unha comarca galega situada na provincia de Pontevedra.

     A ela pertencen os concellos de Arbo, A Cañiza (a súa capital), Covelo e Crecente.

     Limita ao norte coas comarcas de Vigo e do Ribeiro, ao leste con esta última e coa de Terra de Celanova, ao sur con Portugal e ao oeste coa do Condado.

     Ocupa unha extensión de 339,85 quilómetros cadrados e contaba cunha poboación de 12.060 habitantes no ano 2020.

MAPA

 

Fuente: Web Patrimonio Galego

Concello de Covelo

XOAN ARCO DA VELLA